الس-حر و الشعو-ذة .. أيام عاشوراء
السلام عليكم.. مساء الخير.. كيما كاتعرفو فإن فاتح محرم هو يوم الجمعة القادم ان شاء الله.. وكيما كاتعرفو كذلك أن عاشوراء باقي ليها عشرة ايام.. واغلب الناس مكايعرفوش انه في ليلة عاشوراء كاتكون القضية زاهية عند المشعوذين والشوافات ويعتبره المشعوذون ومن والاهم انه توأم ليلة السابع والعشرين من رمضان..
advertisement
في ليلة عاشوراء العدد ديال الس_حور اللي كاتدار فالخفاء لا يعلمها الا الله تعالى.. اش منك يا س-حر تفريق و اش منك يا س-حر شتات و اش منك يا س-حر مرض الخ الخ الخ وكايكون الس-حر المرشوش أيضا منتشر جدا ليلة عاشوراء وهو أخطرهم لأنك انت او انتِ معرضين ليه بشكل كبير وخا ما تكونوش معنيين بيه.
وللاسف مع احترامي لهن النساء هن السواد الاعظم اللي كايديرو هاد الس-حور ليلة عاشوراء وكاتلقاها مقنطة فشي جهة حتى كاتلقا الفرصة وتمشي ترش البلاصة اللي بغات وراه اي شخص تخطى داك الس-حر كايشد فيه ماشي غير الشخص اللي معمول ليه.
داكشي علاش نوصيكم ونعاود نوصيكوم بنات ودراري, ردو بالكم ليلة عاشوراء وفينما بان ليكم ماء مرشوش بالليل ما تتخطاوش عليه وقبل ما تخرجوا من الدار حصنوا انفسكم بالأذكار...والى نادى عليكم شي حد بسميتكوم فالزنقة ومكاتعرفوهش عنداكوم ثم عنداكوم تجاوبوه لانك بمجرد ما تقول ليه نعام يقدر يثقفك.. كذلك في التلفون الى صونات ليك نمرة مكاتعرفاهاش او اي نمرة اخرى وسبقات سميتك قبل السلام واياك تقول نعام مثلا صونا التلفون حليتي الخط وسمعتي فالطرف الاخر "عادل؟" اياك واياك تقول نعم حيث يقدروا يتقفوك بديك نعام وتولي انت ومراتك بحال الخوت وكذلك المرأة معرضة للثقاف بكثرة.
الى فقتي فصبيحة عاشوراء او بغيتي تخرج من داركوم بالليل ولقيتي ماء مرشوش قدام الدار او سائل داير بحال الزيت فإياك ثم اياك تتخطى عليه.. رجع للدار شد سطل عمرو بالماء خوي فيه گاع الملحة اللي عندكوم فالدار وقرا عليه المعوذتين والاخلاص والفاتحة والكرسي ثلاثة ديال المرات وقل اللهم إن كان س-حرا فأبطله 10 مرات وخرجوا خويه على داكشي وديك الساعة توكل على الله ودوز فوق منو كيما بغيتي راه تبطل..
advertisement
جيبو الملحة بزايد هاد الايام وخليوها فالدار راه يمكن تحتاجوها .. هادشي اللي قلت ليكوم والله ما يقولو ليكوم شي واحد داير راسو راقي وفالغالب غايبغي يستغلكوم ماديا وماذا بيه تتخطاو باش يشدكوم.. داكشي علاش حضيو راسكوم ونشروا هادشي قدر ما أمكن
نشروه راه بزاف ديال الناس جاهلين للاسف وشحال من واحد تخطى على س-حر ماشي ديالو وخرج عليه..
اللهم اني قد بلغت اللهم فاشهد..
بارطاجي مع صحابك لتعم الفائدة